Cyfle Cymru
Ymgynghorwyr Cyfle Cymru

Gallai’r dasg o drawsnewid eich busnes gydag eFasnach fod yn un anodd – ond gall Cyfle Cymru ei gwneud yn haws.

Mae ein hymgynghorwyr eFasnach ar gael i ddarparu cyngor wyneb yn wyneb personol, dibynadwy, diduedd a pharhaus.

Mae defnyddio ymgynghorwyr lleol yn helpu i sicrhau bod gan fusnesau ffynhonnell o gymorth eFasnach y gellir ymddiried ynddi, sydd yn ei dro yn dileu’r rhwystrau gwirioneddol a chanfyddedig sy’n wynebu busnesau wrth iddynt geisio mabwysiadu eFasnach yn effeithiol. Caiff busnesau’r cyfle i gael cyngor a chymorth datblygedig gan ymgynghorwr sy’n deall eu busnes a’r ardal, dau beth sy’n dylanwadu ar sut y dylid mabwysiadu’r dechnoleg er mwyn datblygu’r busnes.

Mae ein hymgynghorwyr i gyd yn wedi’u hyfforddi’n drwyadl. Yn gyntaf oll, maent i gyd wedi’u hyfforddi yn unol â chynllun tystysgrif cenedlaethol y DU ar gyfer ymgynghorwyr technoleg, Technology Means Business. Yna, cânt eu hyfforddi mewn pob agwedd ar wasanaeth Cyfle Cymru, pob mater busnes posibl yn ymwneud â gweithredu a defnyddio eFasnach, ac ar ôl hynny cânt addysg barhaus i sicrhau bod y cyngor y maent yn ei ddarparu i fusnesau yn amserol ac yn cynnwys y wybodaeth ddiweddaraf, yn ogystal â bod yn ymarferol.

Mewn oes lle y mae technoleg yn newid o ddydd i ddydd, gellir dibynnu ar ein hymgynghorwyr i ddarparu’r cyngor gorau posibl.

Is-rennir ymgynghorwyr Cyfle Cymru’n sawl grŵp. Mae hyn yn ein galluogi i ddarparu’r ymgynghorydd mwyaf priodol ar gyfer eich anghenion. Mae ein grwpiau  ymgynghorwyr yn cwmpasu ardal awdurdod lleol, sector diwydiant neu angen arbennig (gan gynnwys anableddau).

Eich ymgynghorwr fydd yn rhoi cyngor ar eFasnach i chi, bob cam o’r ffordd. Eich ymgynghorwr fydd yn cynhyrchu’ch adroddiad eFasnach cychwynnol; byddwch yn gallu siarad ag ef ynglŷn â syniadau am ragor o gymorth ac arian, a phan fyddwch yn cael budd o eFasnach, efallai y bydd yn sôn am eich llwyddiant mewn astudiaeth achos eFasnach.

Yn gyffredinol, mae ymgynghorwyr Cyfle Cymru’n darparu gwasanaeth ymgynghorol unigryw o’r radd flaenaf am gost gychwynnol isel i’r busnes, gyda photensial am enillion sylweddol o ran twf, trosiant a gwell effeithlonrwydd.