Cyfle Cymru
Cymorth Cleientaid

Cymorth Cleient yw’r enw ar y pecyn ariannu y mae Cyfle Cymru yn darparu i’w gleientiaid ac mae ar gael i gleientiaid sy’n defnyddio’r gwasanaeth Cymorth Gweithredu. Os byddwch yn bwriadu prynu eitemau y diffinnir eu bod yn hanfodol ar gyfer gwella’ch busnes drwy eFasnach, gallwn ddarparu cymorth ariannol i wneud hyn.

Ar ôl derbyn eich adolygiad eFasnach cyntaf ac ar ôl hynny dewis un o’n pecynnau Cymorth Gweithredu, byddwch yna’n gymwys i gael Cymorth Cleient. Eitemau sy’n eich galluogi i ddringo’r ysgol eFasnach yw’r eitemau sy’n gymwys ar gyfer Cymorth Cleient.

Mae’r ysgol yn fethodoleg syml y mae Cyfle Cymru’n ei defnyddio i wahaniaethu rhwng lefelau o ran mabwysiadu eFasnach, mae’n darparu nod realistig i’r cwmni ei gyflawni er mwyn sicrhau y gall eFasnach weithio iddo. Mae cymhwyso hefyd yn amodol ar ymgynghorydd Cyfle Cymru’n gweithio gyda’r cleient, i sicrhau bod y cynnyrch a’r gwasanaethau’n hwyluso’r broses o ddringo cam ar yr ysgol.

Ar ôl neu yn ystod ymweliad â’r cleient, bydd yr ymgynghorwr Cyfle Cymru’n cytuno ar wariant a fydd yn gwireddu canfyddiadau’r adroddiad.

Faint sydd ar gael?

County	Uchafswm cymorth cleient sydd ar gael	Yn seiliedig ar wariant cleient o
Bro Morgannwg, Caerdydd, Casnewydd, Sir Fynwy, Powys, Wrecsam	£750 bob Adolygiad eFasnach	£5,000 cyn TAW

Ar gyfer Caerdydd, Sir Fynwy, Casnewydd, Powys, Bro Morgannwg a Wrecsam: dim ond busnesau sydd wedi’u lleoli mewn rhannau penodol o’r siroedd hyn sy’n gymwys i dderbyn gwasanaethau Cyfle Cymru. Mae croeso i chi gysylltu â ni i gael gwybod a yw eich busnes yn gymwys.

Am beth y gall Cymorth Cleient dalu?

Mae hyn yn dibynnu ar yr adroddiad eFasnach y bydd eich ymgynghorwr yn rhoi i chi. Nid oes cyfyngiadau o ran mathau neu natur y cynnyrch a’r gwasanaethau y gall Cymorth Client dalu amdanynt, gan fod gan bob cwmni anghenion a gofynion  gwahanol a ffordd wahanol o weithredu.

Bydd eich ymgynghorwr hefyd yn gweithio gyda chi i sicrhau eich bod yn cael yr elw mwyaf posibl o’ch buddsoddiad; eich bod yn mynd i’r afael â’r farchnad cynnyrch eFasnach yn hyderus, gan wybod bod eich ymgynghorwr wedi rhoi’r wybodaeth i chi ynglŷn â beth fyddai’n gweithio orau i’ch cwmni, nawr ac yn y dyfodol.

Mae telerau ac amodau’n gymwys i’r broses Cymorth Cleient. Gallwch gael rhagor o wybodaeth gan eich ymgynghorwr Cyfle Cymru, neu drwy gysylltu â ni’n uniongyrchol.