Taith Rithwir
Gofal Preswyl

Proffil y Cwmni

Mae’r Care Centre yn gwmni cyfyngedig, sy’n darparu gwasanaethau gofal sector preifat i bobl ag anableddau dysgu ac ymddygiad heriol. Mae’r Ganolfan yn darparu ar gyfer hyd at 25 o breswylwyr tymor hir a thymor byr ac yn darparu gwasanaethau yn y gymuned i gleientiaid sy’n byw yn eu cartrefi eu hunain. Ar hyn o bryd, mae’n darparu cyflogaeth amser llawn a rhan amser i 58 o bobl.

Angen Busnes

Mae’r ganolfan yn darparu gofal seibiant yn ogystal â gweithgareddau dysgu strwythuredig yn unol ag anghenion cleientiaid. Mae newidiadau yn rheoliadau gofal y Llywodraeth a dulliau gweinyddu mewnol yn cyflwyno heriau dyddiol. Er enghraifft, mae angen sicrhau bod y tîm rheoli yn ymwybodol o newidiadau deddfwriaethol; eu bod yn dysgu am ddatblygiadau mewn gwasanaethau; ac yn deall sut y gall cleientiaid fanteisio ar fuddiannau ychwanegol o ddefnydd y ganolfan o arfer gorau.

Er mwyn ymateb i’r heriau hyn nododd y prif weinyddwr yr angen i osod gwybodaeth a chofnodion cleientiaid ar system gyfrifiadurol; i gael mynediad i wasanaethau’r Llywodraeth yn electronig; ac i rannu data a gwybodaeth gyda darparwyr gofal eraill.

Datrysiad eFasnach

Gan fod gan y tîm rheoli brofiad cyfyngedig, penderfynodd y cwmni gysylltu â Llygad Busnes, y gwasanaeth cyngor busnes diduedd gan y WDA, i gael help. Darparodd ymgynghorwyr Llygad Busnes wybodaeth lawn am ddau gynllun: Cyfle Cymru a Chynllun Cymhorthdal Band Eang y WDA.

Gwnaeth y cynllun Cymhorthdal Band Eang, sydd hefyd yn darparu gwasanaeth ‘profi cyn prynu’ alluogi’r tîm i weld y manteision gall band eang eu cyflwyno i fenter, cyn cofrestru i gael pecyn. Y pecyn a ddewiswyd ganddynt oedd BT Business Broadband, a oedd yn darparu llen-dân am ddim ac adnoddau ar gyfer rhwydweithio di-wifr hefyd.

Darparodd ymgynghorydd Cyfle Cymru ysgogiad a ffocws iddynt ddatblygu eu hadnoddau Rhyngrwyd. Roedd adroddiad yr ymgynghorydd yn darparu awgrymiadau pellach ar gyfer defnyddio eu cysylltiad band eang, ac i ailddatblygu eu presenoldeb ar y We.

Hyrwyddodd y wefan newydd wasanaethau gofal preswyl a chyfleusterau dysgu strwythurol i gleientiaid presennol a darpar gleientiaid. Fe’i cynlluniwyd hefyd i roi cymorth i’r rhwydwaith cynyddol o gleientiaid a gweithwyr gofal yn y gymuned drwy ddarparu fforwm effeithiol ar gyfer gweithgareddau allgyrch, ac fe’i cynlluniwyd ar gyfer hygyrchedd W3C AAA.

Helpodd Cymorth Gweithredu Cyfle Cymru i ddatblygu ‘canolfan gyswllt’ yn seiliedig ar dechnolegau yn cynnwys Protocol Rhyngrwyd Trosleisio a negesydd chwim. Byddai hyn yn sicrhau bod gan y Ganolfan Gyswllt weithrediad cwsmeriaid cost-effeithiol a deinamig.

Buddiannau Busnes

• Datrysiad hawdd i’w ddefnyddio a’i uwchraddio, cost effeithiol, wedi’i deilwra’n arbennig.
• Proses osod ddidrafferth a chymorth parhaus.
• Mynediad prydlon i Wefannau’r Llywodraeth a chronfeydd data gofal cenedlaethol.
• Argymhellodd ymgynghorydd o fancwyr y cwmni, HSBC, y dylent ddefnyddio gwasanaethau bancio ar-lein HSBC i edrych ar drafodion, gwneud taliadau a llawer mwy.
• Caiff yr holl gofnodion eu storio’n electronig a’u diweddaru’n gyflym ac yn hawdd – gan leihau’r gwaith papur gan hanner diwrnod yr wythnos o leiaf.
• Gwybodaeth a chymorth parhaus i weithwyr gofal a chleientiaid yn y gymuned.
• Mae arbedion effeithlonrwydd yn eu galluogi i dreulio mwy o amser gwerthfawr gyda’r bobl sy’n derbyn gofal gan ddatblygu ac ehangu’r rhaglenni gofalu a gynigir ymhellach.
• Rhychwant estynedig yn y farchnad i sicrhau bod darpar fuddiolwyr yn ymwybodol o’r Care Centre.
• Mwy o gyfleoedd i recriwtio gweithwyr proffesiynol â sgiliau o’r tu allan i’r ardal leol.