Taith Rithwir
Cydrannau Modurol

Proffil y Cwmni

Bu Edwards Bros yn y busnes moduron ers y 60au ac maent wedi llwyddo i sefydlu cadwyn fach o siopau ar draws y DU a reolir gan y ddau frawd a 26 aelod o staff. Yn 2001, ymunodd eu dau fab ac roedd y ddau yn awyddus iawn i ddatblygu’r busnes. O ganlyniad, penderfynodd y tîm rheoli fabwysiadu dulliau newydd o weithio yn y siop leol a’i ddefnyddio fel glasbrint ar gyfer eu siopau eraill.

Mae’r busnes yn masnachu â llawer o weithgynhyrchwyr cydrannau eraill yn y DU, a chaiff archebion arbenigol eu mewnforio’n aml o Ffrainc, yr Eidal a Siapan. Yn hanesyddol maent wedi dibynnu ar microfiche ar gyfer codau archebu stoc gan osod archebion dyddiol drwy gyfrwng modem i’w prif swyddfa. Yn draddodiadol, maent wedi cadw proses flynyddol o wirio stoc oherwydd nad yw eu cofnodion pwynt gwerthu wedi cynnal data rheoli stoc.

Angen Busnes

Roedd y prif ysgogwyr busnes a nodwyd yn cynnwys yr angen i:

• cystadlu’n fwy effeithiol â chystadleuwyr yn y DU yn cynnwys siopau DIY a leolir mewn parciau manwerthu
• ymateb i benderfyniad eu prif gyflenwr i symud tuag at system archebu ar-lein ddiogel a fydd yn rhoi blaenoriaeth i archebion ar y We
• symud tuag at system gyfrifo dibapur mwy cost effeithiol, gan ddarparu proses dalu ac anfonebu cwbl awtomataidd i’r cwmni
• mabwysiadu arfer gorau ar draws yr holl siopau

Yn hanfodol roedd y cwmni’n ceisio gweithredu strategaeth reoli cadwyn gyflenwi a fyddai’n helpu’r busnes i lwyddo a thyfu.

Datrysiad eFasnach

Gan fod y ddau fab wedi cael profiad o weithio gyda systemau cyfrifiadurol cyn ymuno â’r cwmni, gwnaethant benderfynu datblygu cynnig wedi’i gostio yn seiliedig ar ddadansoddiad o anghenion busnes y cytunwyd arnynt a thermau ac amodau masnachu a amlinellir gan eu cyflenwr allweddol yn y ddogfen ‘meini prawf dethol’. Yn sgîl siarad â rhaglen Sbardun Cymru y WDA fe’u hysgogwyd i wella’r gadwyn gyflenwi drwy ddefnyddio technolegau’r Rhyngrwyd.

• Dewisodd y brodyr brydlesu cyfrifiadur personol newydd pwerus gyda meddalwedd swyddfa wedi’i lwytho arno eisoes ac wedi’i becynnu â’r holl ategolion diweddaraf.
• Gwnaethant gysylltu â chyflenwr EPOS cenedlaethol i osod a chynnal system rheoli gwerthiannau a stoc a oedd yn gysylltiedig â’u cyfrifiadur personol newydd.
• Gwnaethant weithio gyda’u prif gyflenwyr i gael mynediad i Allrwyd y cwmni – gwefan wedi’i chynllunio i fynd i’r afael ag anghenion cyfathrebu pob aelod o’r gadwyn gyflenwi – ac i gyflwyno archebion yn seiliedig ar y we drwy’r system archebu ar-lein diogel.
• Un o’r nifer o fanteision ychwanegol na wnaethant eu hystyried yn wreiddiol oedd eu cynllun Pensiwn Rhanddeiliaid y gellid ei weinyddu ar-lein drwy wasanaeth Bancio Busnes dros y Rhyngrwyd HSBC.

Mae’r cwmni wedi cytuno ar gynllun i gyflwyno’r system rheoli gwerthiannau a stoc newydd i bob siop, cyn y bydd y gadwyn ledled y DU yn rhwydweithio’n llawn.

Yn ychwanegol, mae’r cynllun busnes wedi’i ddatblygu ymhellach i gynnwys achlysur lansio gwefan i’w cwsmeriaid eu hun er mwyn iddynt allu gweld ac archebu cydrannau ar-lein.

Buddiannau Busnes

Drwy weithio’n agos â’i gyflenwyr mae’r cwmni wedi llwyddo i:

• Ymateb i amodau a gofynion y farchnad yn gyflymach ac yn fwy effeithlon.
• Dileu’r angen am broses wirio stoc â llaw sy’n llafurus a chostus.
• Gosod archebion o fewn amser real gyda chyflenwyr lleol, cenedlaethol a rhyngwladol.
• Ymateb yn gyflymach i alwadau cwsmeriaid ac archebion am rannau arbenigol.
• Rhannu gwybodaeth ar amserlenni cynhyrchu, gofynion prynu yn y dyfodol a lefelau stoc.
• Lleihau’r broses o gadw stoc (system archebu a chyflenwi dim ond mewn pryd).
• Gwella effeithlonrwydd gweithredol a lleihau costau.
• Gwella cysylltiadau â chwsmeriaid a chyflenwyr.
• Ffurfio cysylltiadau gwaith cryfach.