|
Menter Busnes Sir Benfro Mae gan PBI 20 mlynedd o brofiad o gynnig cymorth busnes cyfannol ledled Sir Benfro. Mae PBI yn darparu gwasanaeth proffesiynol o ansawdd ar gyfer dechrau busnesau newydd a datblygu busnesau presennol. Ar gyfer busnesau newydd, mae PBI yn cynorthwyo gyda’r dasg o ddatblygu syniadau busnes, paratoi’r cynllun busnes a’r datblygiad hyd at ddechrau’r busnes yn wirioneddol. Ar gyfer busnesau presennol, mae cymorth yn cwmpasu datblygu busnesau a chyngor ar ehangu, cymorth ar gyfer pecynnu cyllid yn cynnwys grantiau a chyllid dyledion, adolygiadau diagnostig, cynllunio busnes, cynlluniau marchnata ac ymchwil, datblygiad TGCh ac eFasnach yn ogystal â hyfforddi a datblygu sgiliau, gan gyfeirio at sefydliadau allanol pan fydd yn briodol. Ynghyd â’i gyfleuster cymorth cyffredinol, mae PBI yn cynnig cymorth arbenigol trwy ei ymgynghorydd sectoraidd sy’n gweithio gyda’r mentrau a’r grantiau bwyd amaeth amrywiol. Mae PBI hefyd yn cyflwyno’r fenter Siop Gontract sy’n bwriadu dod â phrynwyr lleol a chyflenwyr at ei gilydd i fanteisio i’r eithaf ar fuddiannau i’r gymuned fusnes leol, gan ddarparu rhwydwaith wybodaeth i fusnesau lleol yn y sir ynglŷn â chontractau sector cyhoeddus a phreifat a gwasanaeth broceriaeth sydd ar gael i bob busnes. Agorwyd Canolfan TGCh y PBI yn 1996 fel rhan o wasanaeth cymorth busnes integredig er mwyn datblygu’r defnydd o TGCh ac eFasnach o fewn busnesau bach a chanolig eu maint yn Sir Benfro. Dyma ganolfan swyddogol cyflwyno cymorth eFasnach UK online for business a Cyfle Cymru. Mae’r tîm ymgynghori eCIC, @TEB/TMB a CIM achrededig yn cynnig cyngor a chymorth wrth adnabod sut a ble y gall TGCh helpu busnesau unigol. Mae hwn yn cynnwys rheoli project a gweithredu datrysiadau, datblygu datrysiadau TGCh cam wrth gam gyda chymorth a chyngor wyneb yn wyneb, arolygon eFasnach, cynlluniau gweithredu a gweithredu cymorthdaledig, mynediad i gymorth ariannol a chymorth gweithredu ymarferol ar gyfer pob agwedd ar eFasnach.  PBI, Parc Busnes Pont Cleddau, Aberdaugleddau, Sir Benfro, Cymru, SA73 3LD
 0800 3892601
 www.pbi.org.uk
 enquiries@pbi.org.uk
|
