Keypath Programmes

Pwy rydym ni

Mae Keypath Programmes yn gwmni o ymgynghorwyr rheoli rhyngwladol profiadol – a restrwyd ar Gofrestr Genedlaethol Ymgynghorwyr Cymorth Busnes yr Adran Masnach a Diwydiant.  Mae ein tîm o ymgynghorwyr cymwys a phrofiadol wedi’u hachredu gan TMB (Technoleg Mewn Busnes) ac eCIC (Y Ganolfan Arloesi eFasnach), neu yn gweithio tuag at hyn.  Ar ôl gweithio o fewn rhaglenni Menter yr Adran Masnach a Diwydiant, Cysylltiadau Busnes, eFasnach Cyfle Cymru, Busnesau Bach a Chanolig eu Maint Awdurdod Datblygu Cymru ac eBIT Menter Iwerddon rydym wedi helpu cannoedd o fusnesau i ddatblygu a gwella’u proffidioldeb ac i newid y ffordd y caiff eu busnesau eu rhedeg o ddydd i ddydd.

Lle rydym ni

Lleolwyd ein swyddfa leol yn y Ganolfan Fenter, Tondu, Pen-y-bont ar Ogwr.

Beth gallwn ei wneud i chi

Gall ein hymgynghorwyr gynnig cymorth a chyngor annibynnol a diduedd ar Dechnoleg Gwybodaeth a Chyfathrebu (TGCh) a materion yn ymwneud ag eFasnach trwy raglenni Busnes Cyfle Cymru ac Awdurdod Datbylgu Cymru i Fusnesau Bach a Chanolig eu Maint.

Trwy gyflenwi rhaglen newydd Cam Ymlaen Cyfle Cymru gallwn fod o gymorth i fusnesau lleol yn ardal Pen-y-bont ar Ogwr i ddod o hyd i’r datrysiadau busnes eFasnach gorau a mwyaf creadigol.  Rydym yn darparu cyngor busnes a thechnegol mewn Saesneg clir, o ddewis caledwedd gyfrifiadurol i greu gwefan, yn cynnwys cynnal a chadw a marchnata, a fydd o gymorth i chi wella eich cyfleoedd busnes.

Bydd un o’n hymgynghorwyr yn cynnal adolygiad eFasnach ac yn eich helpu i ganfod y dull gorau i’ch busnes symud ymlaen a chynyddu eich proffidioldeb.  Mae cymorth ychwanegol ar gael drwy Gymorth Gweithredu – lle bydd ein tîm o ymgynghorwyr proffesiynol yn darparu cymorth ymarferol go iawn.  Efallai y bydd cymorth ariannol ar gael i Fusnesau Bach a Chanolig eu Maint sydd am wella’u galluoedd eFasnach.

Os hoffech ragor o wybodaeth ar sut y gallwch elwa ar gyngor arbenigol a diduedd ar TGCh ac eFasnach, mae croeso i chi gysylltu â ni a byddwn yn falch i drafod yn anffurfiol yr opsiynau sydd ar gael i chi.

11 Canolfan Fenter, Tondu, Pen-y-bont ar Ogwr  CF32 9BS

01656 723560

01656 723560

sue@keypathgroup.com

www.keypathgroup.com