Cam 0 – Heb ddechrau eto

Defnydd cyfyngedig neu ddim defnydd o gwbl o eFasnach, ond efallai bod gennych brofiad o ddefnyddio cyfrifiadur gartref.  Cynhwysir y cam hwn er mwyn adlewyrchu’r ffaith bod yna fusnesau yn bodoli nad ydynt yn defnyddio eFasnach o gwbl.

Cam 1 - Defnyddio eBost a’r We

Mae’r busnes wedi prynu un neu fwy o gyfrifiaduron gyda modem a chysylltiad â’r Rhyngrwyd ac yn cael mynediad i wybodaeth a gwasanaethau ar y We.  Cyflwynwyd y defnydd o eBost ond nid yw’n cael ei ddefnyddio i’w lawn botensial.  Nid oes Gwefan gan y busnes.

Cam 2 – Gwefan sylfaenol

Mae’r busnes yn defnyddio unrhyw gymysgedd o eBost, y We, a’i Wefan ei hun i redeg y cwmni.   Gall cleientiaid weld gwybodaeth ar y safle sy’n amlygu natur y busnes ynghyd â sut i gysylltu.  Nid yw rhyngweithiad ar-lein yn bosibl ar hyn o bryd.

Cam 3 – Gwefan effeithiol

Mae’r Rhyngrwyd yn cael ei defnyddio fel dull marchnata a chyfathrebu effeithiol.  Mae Gwefan ar gyfer gwella rhychwant y broses farchnata a gall y cwsmeriaid a’r cyflenwyr ryngweithio â’r busnes drwy’r safle.  Nid oes cysylltiadau ffisegol rhwng unrhyw weithgarwch ar y We â systemau cefn swyddfa cyfredol.  Gwneir defnydd effeithlon o’r We i gasglu gwybodaeth o ran cystadleuwyr a darpar gyflenwyr.  Defnyddir yr eBost yn eang gyda phartneriaid masnach.

Cam 4 – Siop ar-lein

Mae’r defnydd o eFasnach wedi datblygu i’r man lle mae’r busnes yn cynnig siop lawn gyda chyfleusterau talu neu fasnachu ar-lein eraill.  Caiff cam 4 ei rannu’n ddwy ran yn aml, gyda rhai busnesau dim ond yn creu siop ar-lein, heb ddarparu proses integreiddio i’w systemau cefn swyddfa am ba reswm bynnag.  

Cam 5 - Integreiddio     

Gellir ystyried hyn bron fel datblygiad mewnol oherwydd defnyddir technolegau’r Rhyngrwyd i ymestyn y broses integreiddio.  Caiff popeth o siop ar-lein y busnes hyd at weithgynhyrchu a chyflawniad eu tynnu ynghyd ac mae’n bosibl casglu gwybodaeth o bob rhan o’r busnes.  Mae hyn yn caniatáu i’r busnes symud tuag at ddefnydd mewnol mwy integredig o eFasnach.  

Cam 6 – eFasnach Datblygedig

Gellir ystyried hyn fel eFasnach datblygedig, yn ôl y datblygiadau a geir ar hyn o bryd.  Mewn sefyllfa busnes i fusnes gallai’r busnes ymuno â chyfnewidfeydd ar-lein, eFarchnadoedd a gwasanaethau perthnasol, gan ddefnyddio’r Rhyngrwyd i gysylltu â phartneriaid, cyflenwyr a chwsmeriaid busnes.  Gallai cwmnïau busnes i fusnes gynnig gwasanaeth personoli i gwsmeriaid, ystyried rhaglenni cyswllt neu ymgyrchoedd marchnata eBost datblygedig a systemau rheoli cwsmeriaid.