Gweithio hyblyg yn hybu eich busnes

Pwy arall fydd yn elwa?

Eich gweithwyr

Erbyn heddiw mae gan bobl bob math o gyfrifoldebau megis edrych ar ôl plant neu berthnasau h_n. Bydd gweithio’n hyblyg o help mawr iddynt, yn arbennig pobl yn byw mewn cymunedau gwledig. Os allwch helpu gweithwyr i weithio o gartref neu newid amserau dechrau a diwedd gwaith, gall ostwng amserau cymudo. Wrth arbed amser felly bydd yn gostwng costau a’r pwysau beunyddiol ar bobl.

Bydd dileu’r amserlen naw tan bump yn rhoi mwy o opsiynau i’r gweithwyr ac yn darparu elfen o hyblygrwydd yn eu bywydau. Mae’r ffeithiau’n glir:

• gweithio hyblyg wedi cynyddu lefelau boddhad gwaith gymaint â 7%
• 37% o ddynion a 34% o ferched yn barod i ildio rhan o’u codiad cyflog nesaf er mwyn gweithio gartref
• yn ôl un cwmni mawr, mae gweithio hyblyg yn cymell mwy o famau i ddychwelwyd i waith ar ôl cyfnod mamolaeth – 99% o gymharu â 47% ar draws y wlad.

Eich cwsmeriaid

Bydd cwsmeriaid yn sylwi os yw eich gweithwyr yn hapus ac ymroddgar. Bydd siarad gyda rhywun sy’n frwdfrydig yn creu cysylltiad da rhyngddynt a’ch cwmni, ac yn eu gwneud yn fwy tebyg o’ch argymell i eraill.

Yr amgylchedd

Wrth anwesu gweithio hyblyg bydd eich cwmni’n helpu’r amgylchedd - gyda llai o bobl yn teithio i waith yn gostwng tagfeydd traffig ac yn isafu allyriadau carbon deuocsid. Wrth fabwysiadu dulliau gweithio hyblyg rhagwelir bydd y Deyrnas Unedig yn profi gostyngiad o £1.9 biliwn mewn costau tagfeydd traffig erbyn 2010.

Mor hawdd â hynny?

Ni fydd gweithio hyblyg yn siwtio pawb – er enghraifft, ni fydd pob rôl yn addas i’w gwneud o gartref, yn cynnwys rhai swyddi rheoli. Ac ni fydd rhai gweithwyr am weithio o gartref – am ei bod yn well ganddynt gydweithio â phobl eraill gydol yr amser.

Bydd yn haws i rai cyrff nag eraill fabwysiadu dulliau gweithio hyblyg, ond gall derbyn yr her brofi’n werth chweil i bob math a maint o gwmni.

Wynebu’r heriau

Os yn benderfynol o weithio’n hyblyg, efallai bydd angen newid diwylliant eich busnes, gan addasu dulliau rheoli a buddsoddi rhywfaint mewn technoleg. Fodd bynnag, bydd buddsoddiad tymor byr yn arwain at wella cynhyrchiant dros yr hir dymor a gallech ddechrau elwa’n fuan. A bydd defnyddio’r technolegau cyfathrebu diweddaraf ar y cyd â gweithio’n hyblyg yn gwella’r llinell waelod hyd yn oed yn gyflymach!