Bancio ar-lein
Manteision

Mae defnyddio bancio ar-lein yn rhoi grym i fusnesau bach a chanolig eu maint reoli eu harian yn ddyddiol. Mae ganddynt y gallu i drosglwyddo arian i gyfrif cynilo, manteisio i’r eithaf ar y llog ar y gwarged hwn, yn ogystal â symud arian yn ôl i mewn i’r cyfrif i dalu am unrhyw ddiffygion, ac osgoi talu unrhyw daliadau banc.

Mae'r manteision yn cynnwys:

• Dim ciwio;
• Dim rhuthro i’r banc cyn iddo gau;
• Mynediad i’r cyfrif 24 awr y dydd, 7 dydd yr wythnos (mae rhai cyfrifon yn cau ar gyfer gwaith cynnal a chadw yn ystod y nos);
• Arbedion ar daliadau banciau;
• Atal cosbau hwyr wrth dalu biliau;
• Mynediad i’r cyfrif o unrhyw le (yn dibynnu ar y banc);
• Rheolaeth ariannol well.

Mae NatWest yn honni “y gallai defnyddio bancio ar-lein ostwng eich taliadau bancio”. Er enghraifft, gallai defnyddio bancio ar-lein i dalu biliau leihau’r gost o ffïoedd sieciau, ynghyd â’r posibilrwydd o ostwng taliadau postio.