eOlwg
eWleidyddiaeth

Gyda’r genedl yn pleidleisio yfory, felly y caiff ein tirlun gwleidyddol ei lunio ar gyfer oes y weinyddiaeth newydd.  Waeth beth fo’r canlyniad, mae llawer ohonom yn gobeithio y gallwn barhau i fwynhau manteision prosesau democrataidd sy’n anelu at ddarparu sefydlogrwydd cymdeithasol ac economaidd i’n cymdeithas.

Ond mae un maes lle dylai newid ddigwydd, a bydd yn digwydd, sef y ffordd y gall pobl gael mewnbwn uniongyrchol i’r prosesau hynny ar-lein.  Yn y dyfodol agos, bydd defnydd effeithiol o eLywodraeth yn sicrhau y gall unrhyw un sydd â mynediad i’r Rhyngrwyd gael mynediad cyflymach a haws i fyd gwleidyddiaeth ar bob lefel.

Ar hyn o bryd, mae gan yr holl brif bleidiau gwleidyddol Wefannau sy’n eich galluogi i weld eu polisïau a chanfod sut y gallwch gysylltu â’ch AS.  Fodd bynnag, dim ond y man cychwyn yw hwn gan fod toreth o Wefannau sy’n cynnig y cyfle i chi gymryd rhan wirioneddol yn y ddadl a’r broses wleidyddol gan ddefnyddio eich cyfrifiadur eich hun.

Er mwyn dangos i chi mor amrywiol yw’r dewis o Wefannau gwleidyddol, mae Paul Squires, Cyfle Cymru, Pennaeth Gwasanaethau’r We wedi nodi detholiad o rai o‘r safleoedd mwyaf poblogaidd.  Yn gyntaf, os hoffech gysylltu â chynghorwyr, ASau, ASEau, neu eich AC ewch i www.writetothem.com.  Yng Nghymru, mae gan www.assemblyonline.org Welog sy’n cwmpasu gweithgareddau’r cynulliad, ac mae hwn yn ffordd syml i unrhyw un ychwanegu ei sylwadau i’r hyn sy’n digwydd ym myd gwleidyddiaeth Cymru, ac yn www.downingstreetsays.com cewch wneud yr un peth ar gyfer gweithgareddau’r Prif Weinidog.  Drwy ymweld â www.theyworkforyou.com cewch gyfle i fonitro’r hyn mae eich AS yn ei wneud a’r ffordd y maent yn pleidleisio, ac mae www.publicwhip.org.uk hefyd yn dangos beth yw arferion pleidleisio eich AS.

Mae llawer o bobl o blaid safleoedd o’r fath a llawer un arall nad ydynt mor gefnogol, ond beth bynnag fo’ch barn, ni ellir dadlau eu bod yn cynnig ffordd fwy cyfleus o gael y wybodaeth ddiweddaraf am wleidyddiaeth Prydain.

Mae Gwelogau gwleidyddol swyddogol hefyd yn rhoi’r cyfle i bobl ddweud eu barn, megis yr un a gynigir gan Cymru Ar Lein, ste www.cymruarlein.wales.gov.uk. Yma, gallwch arolyg u strategaeth Techoleg Gwyboda arolyg u Strategaeth Technoleg Gwybodaeth y Llywodraetn Cynulliad Cymru, yn ogystal â chyfarthrebu gwneud sylwadau ar unrhyw barn, yn syth yn ôi i’r cynulliad.

Wrth i fwy a mwy o gyfleoedd godi ar-lein, mae’n bwysig bod gwleidyddion yn sicrhau y gall pob aelod o’r gymuned gael mynediad hawdd, fforddiadwy ac ar gyflymder priodol i’r Rhyngrwyd, gan atal yr hyn a elwir yn gyffredinol yn ‘raniad digidol’.

Mae Arolwg Omnibws y Swyddfa Ystadegau Gwladol, a gyhoeddwyd fis Rhagfyr diwethaf yn dangos y gallai tua 52 y cant o gartrefi’r DU gael mynediad i’r Rhyngrwyd o’u cartref, yn ystod trydydd chwarter 2004.  Mae hynny ynddo’i hun yn gynnydd cyflym o’r 9 y cant a oedd yn gallu cael mynediad yn ystod yr un chwarter yn 1998.  Ond mae’n golygu nad oes gan 48 y cant o gartrefi’r DU fynediad i’r Rhyngrwyd o hyd.

Erbyn yr Etholiad Cyffredinol nesaf, byddai’n braf meddwl y gallai pob un ohonom ddewis pleidleisio ar-lein, o’n cartrefi ein hunain, waeth beth fo’n hamgylchiadau personol, ac mae’n bosibl y byddai hyn yn ffordd syml ac effeithiol o gynyddu nifer y bobl sy’n pleidleisio mewn etholiadau.

Christine Holvey
Prif Weithredwr, Cyfle Cymru