Adroddiad Arolwg o Gyflwr y Genedl 2006/2007
Crynodeb Gweithredol

Crynodeb Gweithredol

Dyma'r pedwerydd adroddiad i'w gynhyrchu gan y Ganolfan Arloesedd eFasnach ym Mhrifysgol Caerdydd yn ei rôl fel Canolfan Ragoriaeth ar gyfer rhaglen Cyfle Cymru. Cyflwynir canlyniadau arolwg ffôn o 2553 o fusnesau bach a chanolig ledled Cymru ar ddiwedd 2006 a dechrau 2007 ac mae'n canolbwyntio ar fabwysiadu a defnyddio eFusnes, a'r cynnydd wrth ei weithredu. Yn ogystal â hyn, eleni rydym yn rhoi canlyniadau i fusnesau sydd wedi cael cefnogaeth drwy raglen Cyfle Cymru.

Er mwyn i'r adroddiad gydymffurfio ag arfer derbyniol ymysg arolygon cyffelyb, cyflwynir y canlyniadau ar wahân i fusnesau gydag un neu fwy o gyflogeion ac i'r busnesau hynny heb gyflogeion. Lle bo'n addas, dadansoddir y canlyniadau i fusnesau â chyflogeion ymhellach, i mewn i fandiau maint o fusnesau micro, bach a chanolig.

Canfyddiadau allweddol yn ôl maint

• 58.6% o fusnesau bach a chanolig â chyflogeion yng Nghymru sydd â chysylltiad i'r Rhyngrwyd sef 53.9% o fusnesau micro, 77.7% o fusnesau bach a 90.9% o fusnesau canolig.
• 78.3% o fusnesau bach a chanolig â chyflogeion a chysylltiad i'r Rhyngrwyd sy'n defnyddio band eang i gysylltu â'r rhyngrwyd.
• 71.5% o fusnesau bach a chanolig sydd â chyflogeion, sydd â gwefan, gyda'r gyfradd uchaf (85.4%) ymhlith busnesau canolig.
• 17.7% o fusnesau sydd â chysylltiad i'r Rhyngrwyd sydd â chyflogeion sy'n gwerthu ar-lein.
• 69.5% o fusnesau sydd â chysylltiad i'r Rhyngrwyd sydd â chyflogeion sy'n prynu nwyddau neu wasanaethau ar-lein.

Canfyddiadau allweddol yn ôl sector diwydiant

• Y sector Gwasanaethau Ariannol, Eiddo a Busnes oedd â'r gyfradd uchaf o fusnesau â chysylltiad i'r Rhyngrwyd, sef 75.5%, gyda'r gyfradd isaf ymhlith y sector Gwestai a Bwytai, ar 41%.
• Yn y sector Gweithgynhyrchu caiff band eang ei ddefnyddio fwyaf eang, gydag 81.4% o fusnesau yn dweud eu bod yn defnyddio'r dechnoleg i gysylltu â'r Rhyngrwyd.
• Y sector Gwasanaethau Ariannol, Eiddo a Busnes a'r sector Gweithgynhyrchu sydd â'r gyfradd uchaf o fusnesau sydd â gwefan, sef 81% ac 81.4% yn ôl eu trefn. Y sector Adeiladu oedd â ffigur isaf, sef 37.5%.
• Y sector Gwasanaethau Eraill oedd â'r ganran uchaf o fusnesau oedd yn cael taliadau ar-lein, sef 66.7%.
• Y sector Amaethyddiaeth oedd â'r ganran uchaf o fusnesau yn prynu nwyddau a gwasanaethau ar-lein, sef 78.1%.

Canfyddiadau allweddol yn ôl rhanbarth

Cyflwynir y canlyniadau ar gyfer ardaloedd Amcan 1 ac ardaloedd nad ydynt yn rhai Amcan 1, ac ar gyfer saith ardal ddaearyddol Cymru.

• Yn ardal Amcan 1 Cymru mae 57% o fusnesau â chysylltiad i'r Rhyngrwyd, o gymharu â 61.2% o'r busnesau y tu allan i ardaloedd Amcan 1.
• Mae gan 71.4% o fusnesau yn ardal Amcan 1 wefan, o gymharu â 71.3% o'r rheini y tu allan i ardaloedd Amcan 1.
• Mae 38.5% o fusnesau yn ardal Amcan 1 wedi derbyn taliadau ar-lein, o gymharu â 59.7% o'r rheini y tu allan i ardaloedd Amcan 1.
• Yn Rhanbarth 3 (Caerdydd a Bro Morgannwg), ceir y lefel uchaf o fynediad i'r Rhyngrwyd, sef 62.3%.
• Rhanbarth 5 (Rhondda Cynon Taf, Merthyr Tudful, Caerffili, Blaenau Gwent, Tor-faen) oedd â'r gyfradd uchaf o fusnesau gyda Gwefan.
• Rhanbarth 7 (Ynys Môn, Gwynedd, Conwy, Sir Ddinbych) sydd â'r gyfradd uchaf o fusnesau sydd wedi derbyn taliadau ar-lein.

Cleientiaid Cyfle Cymru

• Mae 74.2% o gleientiaid Cyfle Cymru sydd â chyflogeion yn defnyddio band eang i gael mynediad i'r Rhyngrwyd.
• Mae gan 82.2% o gleientiaid sydd â chyflogeion wefan fusnes o gymharu â 69.9% nad ydynt yn gleientiaid.
• Mae gan 35.7% o gleientiaid sydd â chyflogeion yn gwerthu nwyddau neu wasanaethau ar-lein, o gymharu â 19.9% nad ydynt yn gleientiaid.
• Mae gan 19.2% o gleientiaid sydd â chyflogeion strategaeth eFusnes ysgrifenedig o gymharu â 10.2% nad ydynt yn gleientiaid.
• Nododd 13.7% o gleientiaid gostau sefydlu fel y prif rwystr rhag mabwysiadu eFusnes o gymharu â 10.9% nad ydynt yn gleientiaid. Dyma'r rhwystr mwyaf cyffredin a welwyd ymysg busnesau.

Adroddiad Lawn

Mae'r adroddiad llawn bellach ar gael a gellir ei weld yma.