Storïau eFasnach Llwyddiannus

Mae dros 8000 o gwmnïau o bob cwr o’r wlad wedi darganfod manteision eFasnach gyda Cyfle Cymru ac wedi elwa arnynt.

Yn yr adran hon, rydym wedi gweithio gyda rhai ohonynt i adrodd eu hanes o ran sut yr aethant ati i gyflawni llwyddiant sylweddol trwy ddefnyddio eFasnach a thechnolegau’r Rhyngrwyd. Daw ein cwmnïau o bob cwr o Gymru, o bob sector. Mae gan bob un ohonynt eu hanes gwahanol eu hunain, a chaiff cyngor personol un i un ar sut i symud ymlaen ei ddarparu gan eu hymgynghorydd Cyfle Cymru eu hunain.

Gan ein bod yn cynnwys nifer sylweddol o hanesion am lwyddiannau cleientiaid yn yr adran hon, maent wedi’u rhannu yn sectorau busnes. Mae pob tudalen ddilynol yn caniatáu i chi edrych ar bob hanes llwyddiant yn seiliedig ar leoliad y cwmni yng Nghymru.

Brasluniau yw’r hanesion llwyddiant o’r cwmni, gan gynnwys ei lwyddiant ym maes  eFasnach hyd heddiw, a’r camau y mae’r cwmni yn bwriadu eu cymryd yn y dyfodol. Mae nifer o’r cwmnïau a gynhwysir yn yr adran hon hefyd yn ein hadran astudiaethau achos, sy’n darparu proffiliau arbennig o fanwl o’r modd y gweithredwyd eFasnach gyda chymorth a chyngor ymgynghorwyr Cyfle Cymru.

Os ydych am edrych ar yr astudiaethau achos, y cyfan sy’n rhaid i chi ei wneud yw cofrestru i ddod yn aelod o wefan Cyfle Cymru, sy’n broses gyflym, hawdd a rhad ac am ddim.

Er mwyn darganfod mwy am ddod yn hanes llwyddiant gyda Cyfle Cymru, cysylltwch â ni a threfnwch sesiwn gydag un o’n hymgynghorwyr.