Canolfan Darwin ar gyfer Bioleg a Meddygaeth
Aberdaugleddau, Sir Benfro

“eFasnach – ffordd fwy effeithlon ac effeithiol o weithio”

Mae Canolfan Darwin ar gyfer Bioleg a Meddygaeth, a leolir yn Aberdaugleddau, gorllewin Cymru yn nodweddiadol o lawer o sefydliadau gwirfoddol a dielw lle mae cyllid ac adnoddau yn gyfyngedig. Prif ddiben y Ganolfan a reolir gan Elizabeth Gossage, y Rheolwraig Prosiectau, oedd datblygu rhaglenni ar Ddealltwriaeth y Cyhoedd o Wyddoniaeth ac Iechyd. Lansiwyd Gŵyl Wyddoniaeth Darwin Sir Benfro ym 1999 fel Cynllun Gwobrwyo’r Mileniwm a chan fod gan lawer o aelodau’r ganolfan gysylltiad â Sir Benfro, daeth i fod yn ddewis amlwg ar gyfer prif ganolfan gweithgareddau Canolfan Darwin.

Roedd technoleg gyfrifiadurol yn rhan annatod o Ganolfan Darwin ond daeth yn amlwg nad oedd y dechnoleg hon yn cael ei defnyddio yn y ffordd orau. Gan ei bod yn awyddus i wella effeithlonrwydd yr arferion gwaith a’r prosesau busnes o fewn y ganolfan, cysylltodd Elizabeth â Menter Busnes Sir Benfro (PBI), Partner Darpariaeth leol Cyfle Cymru a gynigiodd gynnal Adolygiad eFasnach. Yn ogystal â derbyn cyngor a grant, ceisiodd Elizabeth gymorth ymarferol gan y PBI i sicrhau ei bod hi a’i thîm yn gwneud y defnydd gorau o eFasnach ar gyfer gwaith mwy effeithlon a chynhyrchiol.

Mae’r astudiaeth achos yn disgrifio sut gall datrysiadau eFasnach sylfaenol fel cysylltiad effeithiol â’r Rhyngrwyd ac eBost ddod â manteision effeithlonrwydd sylweddol gan arbed llawer iawn o amser i sefydliad bach a rhyddhau adnoddau ar gyfer gwaith arall. Roedd y llwyddiant hwn yn gymhelliad iddynt wella eu Gwefan a throi’r We yn offeryn marchnata llwyddiannus.

www.darwincentre.com

Mae’r cwmni hwn yn un o nifer o geientiaid Cyfle Cymru sydd wedi manteisio ar ein pecyn Cymorth Gweithredu, sy’n darparu cymorth eFasnach gwerthfawr a datblygedig am bris rhesymol iawn.  Mae Cymorth Gweithredu ar gael i holl gleientiaid newydd a phresenol Cyfle Cymru. Am fwy o wybodaeth ewch i’n tudalen Cymorth Gweithredu neu Cysylltwch â ni.

Astudiaeth achos

Mae astudiaeth achos manwl a chynhwysfawr Canolfan Darwin ar gyfer Bioleg a Meddygaeth nawr ar gael. Gallwch ddarllen yr astudiaeth achos yma wrth ymaelodi â Gwefan Cyfle Cymru. Ar ôl derbyn eich cyfrinair trwy eBost, gallwch logio i fewn i hafan yr aelodau ac yna lleoli'r astudiaeth achos yma yn ogystal a llawer mwy yn yr adran Astudiaethau Achos.