Y Stabal
Llanuwchllyn, Gwynedd

eFasnach yn cynyddu cyfraddau deiliadaeth

Busnes bach yw Y Stabal wedi’i leoli’n agos i’r Bala, yng Ngwynedd, sy’n gweithredu un bwthyn hunan-arlwyo mawr, wedi’i gydnabod gan Fwrdd Croeso Cymru.  Pan benderfynodd y Perchennog, Sue Jones wella ac uwchraddio’r adeilad (gyda’r bwriad o gael gradd uwch gan Fwrdd Croeso Cymru) gwariwyd llawer iawn o arian ar yr adeilad.  O ganlyniad, roedd angen iddi wneud elw cyflym ar ei buddsoddiad.

Meddyliodd Sue y gallai’r Rhyngrwyd ddarparu’r ffordd ymlaen ac roedd ganddi Wefan sylfaenol eisoes ar gyfer Y Stabal, ond ychydig iawn o brofiad a oedd ganddi yn y maes hwn.  Cysylltodd â Cyfle Cymru ym mis Chwefror 2003 a chafodd Sue gyfarfod â Mandy Jones, un o’r ddau Ymgynghorydd eFasnach sy’n gweithio ar ran Cyfle Cymru gyda Bwrdd Croeso Cymru.

Nid oedd eFasnach yn rhywbeth newydd i Sue ond ni roddodd lefel ei phrofiad presennol lawer o hyder iddi y gallai helpu ei busnes bach.  Prynodd Wefan sylfaenol tuag at ddiwedd 2001 am tua £250.  Nid oedd y wefan wedi’i chofrestru ag unrhyw ddulliau chwilio am mai ei hunig fwriad oedd bod yn fan cyfeirio i bobl gael eu cyfeirio ati o argraffu hysbysebion papur a chael llyfryn Y Stabal.

Yn 2002, cafodd Y Stabal ei gynnwys yn llyfryn Eryri a chafodd ei gynnwys hefyd ar Wefan ‘Visit Wales’ Bwrdd Croeso Cymru, a sefydlwyd i gymryd ceisiadau archebu llety gan gwsmeriaid.  Cafodd Y Stabal hefyd ei gynnwys ar y Gwefannau ‘Stay in Wales’ a ‘Cottage Guide’ a oedd yn cynnwys cysylltiadau a oedd yn arwain at Wefan Y Stabal.  O ganlyniad, gwelodd Sue ei bod yn treulio llawer o’i hamser yn sicrhau bod y wybodaeth ddiweddaraf ar y gwefannau hyn.

Yn dilyn ei chyfarfod adolygiad eFasnach gyda Sue, lluniodd Mandy Adroddiad eFasnach ar gyfer y busnes a roddodd argymhellion ar sut y gallai Y Stabal wneud defnydd gwell o eFasnach.  Amlinellodd yr adroddiad sawl ffordd y gallai Y Stabal gynyddu eu defnydd o eFasnach i farchnata eu busnes yn fwy effeithiol.  Yn benodol awgrymodd yr adroddiad y dylai Y Stabal gynyddu eu defnydd o eBost i ateb ymholiadau a sicrhau archebion llety.  Awgrymodd hefyd y dylid gwella’r cynnwys sy’n disgrifio’r bwthyn ar eu Gwefan ac mewn cyfeirlyfrau eraill.  Awgrymwyd hefyd y dylid creu cronfa ddata eBost o gleientiaid at ddibenion marchnata dros yr eBost.  Ymhlith y gwelliannau eraill a awgrymwyd roedd galluogi’r safle i gael statws uwch ar restrau dulliau chwilio, gan gael gwared â fframiau’r wefan a fyddai’n gostwng eu statws ar restrau dulliau chwilio, a defnyddio gwell graffeg ar eu gwefan.

O ganlyniad i’w hadolygiad eFasnach, trefnodd Sue i Wefan newydd gael ei datblygu er mwyn gweithredu awgrymiadau Mandy.  Cost y wefan oedd tua £700, gyda Chymorth Cleient Cyfle Cymru yn ariannu 35% o’r gost honno.

Mynychodd gŵr Sue weithdy ‘Visit Wales’, er mwyn gwella cynnwys Y Stabal ar ‘Visit Wales’.  Yn ogystal â gwella’r manylion ar wefan ‘Visit Wales’, cafodd holl gyfraddau Y Stabal eu cynnwys ar-lein, crëwyd rhestr cynigion arbennig a chynhaliwyd gwiriadau i sicrhau y byddai Y Stabal yn ymddangos yn y chwiliadau cwsmeriaid angenrheidiol.  Cysylltodd Sue â’r gwefannau ‘Cottage Guide’ a ‘Stay in Wales’ i drefnu i ddiweddaru’r wybodaeth ar y gwefannau hyn yn rheolaidd.  Rhoddodd hefyd hysbyseb ar y Wefan Croeso Cynnes.

Yn ystod y ‘diwrnodau gweithredu’ cydweithiodd Sue a Mandy i ysgrifennu llythyrau i ateb y mathau mwyaf cyffredin o ymholiadau eBost.  Cafodd y llythyrau hyn eu safio fel templedi a’u cadw i Sue allu eu copïo a’u gludo i negeseuon eBost, fel y bo angen.  Gellir addasu’r negeseuon hyn yn hawdd i gyd-fynd â phob ymholiad unigol.

Helpodd Mandy hefyd i roi llofnod ar waelod pob neges eBost sy’n cael ei hanfon gan y busnes, er mwyn helpu i hysbysebu cyfeiriad y Wefan.  Gyda’i gilydd llwyddont hefyd i lunio holiadur i’r gwesteion ei gwblhau.  Byddai’r arolwg yn rhoi’r opsiwn i gwsmeriaid ddarparu eu cyfeiriad eBost, er mwyn derbyn newyddlenni rheolaidd a fyddai’n nodi digwyddiadau yn y dyfodol, gweithgareddau, gwybodaeth am Y Stabal a’r ardal leol.  Mae’r holiadur hefyd yn gofyn i gwsmeriaid sut y daethant i wybod am Y Stabal a’r hyn y gwnaethant ei fwynhau/na wnaethant ei fwynhau yn ystod eu harhosiad.

O ganlyniad i’r holl waith a wnaed gan Sue a Mandy, mae cyfraddau deiliadaeth Y Stabal wedi cynyddu’n sylweddol.  Rhwng mis Gorffennaf a chanol mis Hydref 2003, dim ond am un diwrnod yr oedd y bwthyn yn wag.  Gwefan Y Stabal a ysgogodd bron pob archeb, yn bennaf oherwydd defnydd cynyddol o’r eBost er mwyn ymateb i ymholiadau.

Bu’r adborth gan ymwelwyr â’r safle yn dda iawn a chafodd Sue sawl sylw canmoliaethus am faint ac ansawdd y wybodaeth sydd ar gael.  Mewn cyfnod cymharol fyr o amser mae Y Stabal wedi cynyddu eu trosiant, a thrwy ddefnyddio atebion eFasnach cost isel yn llwyddiannus caiff y busnes bellach ei farchnata’n effeithiol i ddarpar gwsmeriaid.  

www.y-stabal.co.uk

Pamffled

Mae pamffled o stori eFasnach llwyddiannus Y Stabal nawr ar gael. Gallwch ei lawr lwytho fel PDF (53k), neu am fersiwn argraffedig neu am gopi o unrhyw deunydd darllen Cyfle Cymru, cysylltwch â ni os gwelwch yn dda.

Astudiaeth achos

Mae astudiaeth achos manwl a chynhwysfawr Y Stabal nawr ar gael.  Gallwch ddarllen yr astudiaeth achos yma wrth ymaelodi â Gwefan Cyfle Cymru.  Ar ôl derbyn eich cyfrinair trwy eBost, gallwch logio i fewn i hafan yr aelodau ac yna lleoli'r astudiaeth achos yma yn ogystal a llawer mwy yn yr adran Astudiaethau Achos.