 |
|
Rhydych chwi yma: Home > Canllawiau Ar-lein > We Fyd Eang > Deall ystadegau fy ngwefan > Beth yw Ffeiliau Lòg?
|
| Page 2 of 4
|  |
 |
| |
Deall Ystadegau eich Gwefan
Beth yw Ffeiliau Lòg?
Y tu ôl i bob Gwefan yr ymwelwch â hi y mae gwasanaethydd y We, a’i ddiben yw ymateb drwy ddod o hyd i’r ffeiliau y gofynnir amdanynt, a’u hanfon. Ar ôl pob cais, mae gwasanaethydd y We yn cofnodi canlyniadau’r broses o gyfnewid mewn “ffeil lòg”. Mae ffeil lòg nodweddiadol yn cynnwys gwybodaeth am ba gyfrifiadur a wnaeth y cais, ar gyfer pa ffeil, ac ar ba ddyddiad.
Weithiau, caiff gwybodaeth ychwanegol ei chofnodi, a allai gynnwys y math o borwr, cyfeiriad yr ymwelydd ar y Rhyngrwyd, codau gwallau fel tudalennau nas canfuwyd, y safle cyfeirio, a’r safle cyrchfan. Nid oes gan y rhan fwyaf o bobl sy’n defnyddio’r Rhyngrwyd yn eu cartrefi leoliad parhaol ar y Rhyngrwyd (a elwir yn TCP/IP), ac, yn nodweddiadol, pennir cyfeiriad gwahanol iddynt bob tro y byddant yn logio ar y Rhyngrwyd drwy eu Darparwr Gwasanaeth y Rhyngrwyd.
Yn syml, mae offer dadansoddi ffeiliau lòg yn cymryd y data hwn ac yn ceisio gwneud synnwyr ohono, fel y gellir dod i gasgliadau deallusol. Gellir cyfrifo a nodi pethau syml, fel cyfanswm y ffeiliau y gofynnwyd amdanynt, yn rhwydd. Gellir cynhyrchu mwy o wybodaeth: gan chwilio am geisiadau lluosog gan yr un cyfrifiadur yn ystod yr un cyfnod o amser, er enghraifft, gallwch ddweud beth yw cyfanswm nifer yr ymwelwyr a’r nifer o ymweliadau a wnaethant â’ch safle.
Mae eich Darparwr Gwasanaeth y Rhyngrwyd (ISP) yn cadw ffeiliau lòg sy’n cofnodi pob “trawiad” (cais am dudalen neu lun ar y We) ar eich Gwefan. Er nad yw’n rhoi cyfeiriad eBost rhywun i berchennog y safle (enw r parth yw’r peth agosaf a gewch), mae’r ffeil lòg yn dweud llawer wrthych am sut mae pobl yn cyrraedd eich Gwefan, a beth maent yn edrych arno pan fyddant yn ei chyrraedd.
Fodd bynnag, bydd angen cymorth pecyn dadansoddi ystadegol arnoch i wneud synnwyr o’r data a gedwir yn y ffeiliau lòg. Mae eich Darparwr Gwasanaeth y Rhyngrwyd yn debygol iawn o fod wedi gosod pecyn dadansoddi ystadegol poblogaidd a sicrhau bod y cyfleuster ar gael i gwsmeriaid.
|
|
|
| |
|
|
|
|
