Mesurau eFasnach - Beth ddylwn i ei fesur?
Mesurau sy’n ymwneud â gweithrediadau

Gellir defnyddio amrywiaeth o fesurau i ddadansoddi perfformiad busnes sy’n defnyddio eFasnach i helpu i leihau costau gweithredol.  Mae’r rhain yn amrywiol ac yn gyffredinol eu natur, ac yn cynnwys y canlynol:

• Cost gwerthiannau ar gyfartaledd;
• Amser cylchred arian-i-arian (nifer y dyddiau ar gyfartaledd mae arian yn ei gymryd i lifo yn ôl i goffrau’r cwmni wedi iddo gael ei wario ar ddeunyddiau craidd);
• Lleihad o ran nifer y dyddiau a gymerir i werthu’r stoc (nifer y dyddiau ar gyfartaledd nes gwerthir stoc cyfan);
• Nifer yr archebion a wneir trwy system Rhyngrwyd awtomataidd;
• Amser cynhyrchu anfoneb (dyddiau);
• Nifer yr archebion anghywir a gofnodir;
• Nifer y gwallau a’r dyblygiadau;
• Costau cynnal ar gyfer partneriaid sianel a defnyddwyr yn y pen draw;
• Costau gweinyddol, costau trafodion, costau papur, costau dosbarthu, cyfraddau galwadau, cost llythyru a chostau prosesu nwyddau wedi’u dychwelyd.

Mesurau sy’n ymwneud â Phartneriaid a Chyflenwyr

Fel arall, pan fo’r amcan strategol yn ymwneud yn benodol â lleihau costau’r gadwyn gyflenwi, gall y mesurau canlynol fod yn fwy perthnasol:

• Cost caffael;
• Ochr weinyddol y costau ar gyfer prynu deunyddiau a nwyddau;
• Ochr cynhyrchu’r costau ar gyfer caffael deunyddiau a nwyddau;
• Gwallau o ran archebion prynu (e.e. nifer y cymeradwywyr sydd eu hangen ar gyfartaledd ar gyfer pob archeb brynu, o’r cyflwyniad cychwynnol i’r gymeradwyaeth derfynol.  Mae nifer y cymeradwywyr yn amser cylch sylweddol ac felly’n fesur lleihau costau);
• Nifer y cyflenwyr;
• Amser cylchred y gadwyn gyflenwi ar gyfartaledd.