Gwerthu ar-lein

Defnyddir y term ‘eFasnach’ yn aml i ddisgrifio’r gweithgaredd o werthu a chymryd taliadau ar-lein.  Fodd bynnag, mae barn Cyfle Cymru yn llawer ehangach na hynny; ein barn yw bod eFasnach yn golygu unrhyw fath o drafodion y mae technoleg wedi chwarae rhan ynddynt.

Mae sawl ffurf wahanol o eFasnach, a bydd gan bob busnes anghenion gwahanol pan ddaw at nodi pa lwybr fyddai orau iddynt o ran eu datblygiad.  Un o’r ffurfiau mwyaf cyffredin yw gwerthu’n uniongyrchol dros Wefan.  Mae’n bosibl mai dyma fydd yr achos i rai cwmnïau (yn enwedig y rhai sy’n canolbwyntio ar gwsmeriaid), ond nid bob un.  Opsiwn arall fyddai peidio â gwerthu’n uniongyrchol, ac ymuno â rhyw fath o gynllun lle mae perthynas gyfunol yn darparu’r gwasanaeth, fel eFarchnad neu raglen gyswllt.

Un o’r manteision mwyaf pwerus y mae eFasnach yn ei gynnig yw amlygiad.  Mae busnes bach yr un mor amlwg â busnes rhyngwladol, a gall ddenu busnes o unrhyw ran o’r byd.  Felly, gall wybod sut i ddenu cwsmeriaid ledled y byd fod yn bwysig - yn enwedig pan ddaw i wybod sut i gymryd taliadau a’u prosesu.  Gall eich ymgynghorydd Cyfle Cymru esbonio bob dull o werthu ar-lein i chi er mwyn argymell y llwybr cywir i chi, eich busnes, eich staff, a’ch dyfodol.